A tè, l´irradicata parolla
Nata à ´ssu ventu chi scuzzula
Si granata in ogni mente
Senza chi nisun´ùn ti senti.

Cun tè, hè l´abbracciu fiuritu
D´un avvene più culuritu
Chi si sparghje à u luntanu
Cum´è prufume di veranu.

Revoluzione vole voce ribelle
Revoluzione chjama voce surelle
Revoluzione vole voce ribelle

Di tè quellu sguardu turchinu
Bagnatu di soffiu marinu
Chi sunieghja à l´avvene
D´una vita senza catene.

Per tè, annacquata hè a chjama
Dà li pienti d´una mamma
Per ´ssu babbu chi ghjè cascatu
Per stu figliolu incarceratu.

Revoluzione vole voce ribelle
Revoluzione chjama voce surelle
Revoluzione vole voce ribelle

Di tè rinascerà a talla
D´una cuscenza chi si salla
Per ch´ella smarischi a guerra
A i cunfini di a terra.

Cun tè quella culomba bianca
Chi camina à lu to fiancu
Porta un ramu di a pace
Per ´ss´umanità chi si face.
Revoluzione vole voce ribelle
Revoluzione chjama voce surelle
Revoluzione vole voce ribelle

In noi sempre correrà
Un fiume scemu chi sciapperà
E sponde operate
Di é bugie impetrate

In noi sempre correrà
Un fiume scemu chi lamperà
L´idee fatte di puvertà
Per fà risorge a verità

Revoluzione vole voce ribelle
Revoluzione chjama voce surelle
Revoluzione vole voce ribelle