Un jorn per un trauquet de l´alba
Un rasim negre tombèt
Que se´n anit redolant
Juncas al pè de las muralhas
De l´eternitat e quand
Aquel rasim s´esclafèt
Contra l´eternitat dura
De son sang sucrat nasquèri
Ieu lo pastre de paraulas

Mon pais
Es lopais dels pelegrins
Mon pais
Es un rèc que va trabucant
Cèrcant son camin d´ivronha
De mont en val, de val en mar
Mon pais
Es benlèu un estela roja
Una figa que tomba
Dins la boca de Díus
Que tomba roja coma un còr
Mon pais
Mon pais es l´arma del mond
Ont demòran totas paraulas umanas
E ieu som pastre de paraulas
Aquí ma vida

Un jorn per un trauquet de la nuèit
Un rasim blanc tombara
Se´n enira redolant
Juncas al pè de las muralhas
De l´eternitat e quand
Lo rasim s´esclafara
Contra l´eternitat dura
Dins son sang me negarai
Dins un rasim blanc me morirai
Ieu lo pastre de paraulas

---

Un jour, par un petit trou de l´aube
Un raisin noir tomba
Qui s´en alla roulant
Jusqu´au pied des murailles
De l´éternité et quand
Ce raisin s´écrasa
Contre l´éternité dure
De son sang sucré je naquis
Moi, le berger des mots

Mon pays
C´est le pays des pèlerins
Mon pays
C´est un ruisseau qui va trébuchant
Cherchant son chemin d´ivrogne
De mont en vallée, de vallée en mer
Mon pays
C´est peut-être une étoile rouge
Une figue qui tombe
Dans la bouche de Dieu
Qui tombe rouge comme un cœur
Mon pays
Mon pays, c´est l´âme du monde
Où demeurent toutes paroles humaines
Et moi, je suis berger des mots
Voilà ma vie

Un jour, par un petit trou de la nuit
Un raisin blanc tombera
Il s´en ira roulant
Jusqu´au pied des murailles
De l´éternité et quand
Le raisin s´écrasera
Contre l´éternité dure
Dans son sang, je me noierai
Dans un raisin blanc je mourrai
Moi, le berger des mots