U sol´ardente strughje quassù
U nivaghjon´incuzzatu
Fend´un fiume chì, corre liberu
Slanciu fermu, mai dumatu

Stu sol´in pettu l´emu dinù
Schjarisce ogni bughjura
Ci reghje cum´un lume divinu
Sguassendu ogni paura

À bracciu tesu, man´aperta
Quant´hè cald´u core umanu
Fighjulem´avà quella verità
Senz´uchjera capu sanu

Finchè l´umanu fam´averà
Scuraghjinati seremu
Finchè catena omu averà
Liberi mai ùn seremu

Ognunu deve scappiassi
Inseme fem´a livata
Di più chè cusì fem´allargassi
A via di l´umanità

Sott´à duminiu omu ma´più
Sciappemu tutt´e catene
Addunimuci è cun curaggiu
Custruim´u nostr´avvene

Finchè l´umanu fam´averà
Scuraghjinati seremu
Finchè catena omu averà
Liberi mai ùn seremu

U sol´ardente strughje quassù
U nivaghjon´incuzzatu
Fend´un fiume chì, corre liberu
Slanciu fermu, mai dumatu