So di petr´è di muntagne di terra e di fiume so…
So, eiu, so
So fureste di castagne di bellezz´e di dulciume so
So, eiu, so
So cu´lu mare in liame di ellu aghj´u prufume so
So, eiu,so


So cità è so paese di´sse ghjente mai´arrese
So l´eterna isulella conquista è urfanella
So l´eterna Cursichella mai doma è ribella



So l´amacu di lu fiore di tutt´i boschi muscosi so
So, eiu, so
So di muragli´e di torre di´issi ponti maestrosi so
So, eiu, so
So a surghjente chi corre frà tippali muntagnosi so
So, eiu, so

So di machj´è di virdure di poghji è di culture
So Regina incurunata da li mei tant´amata
So l´eterna Cursichella mai doma è ribella



So a sposa è so l´amante di un populu chi spera so
So, eiu, so
So viduvella errante di li mio morti a la guerra so
So eiu, so
So dinù memori´ardente d´une storia, una bandera so
So, eiu, so



So di tante strage scure di centumille primure
So in cerca d´un avvene d´un campà senza catene
So l´eterna Cursichella mai doma è rubella

So, eiu, so...So, eiu, so!