Monta toei lei matins
La madòna dau trin
Dins lo vagon, cadun vira la tèsta
Tot s´arrèsta subran
Oblidats lei romans
Lei jornaus, lei quaiers e lo resta

Siam toei a pantaiar
Qu´ela s´assetarà
Per lo viatge, a la plaça vesina
Lei còles se tòrçon
Remirant d´escondon
L´ulhauç blanc de sei gambas felinas

{Refrain:}
Vau cantar per ela
De son balanç çai siáu a l´espèra
Vau cantar per ela
La madòna dau T.E.R.

Sabi pas çò que fa
Sabi pas monte va
Voudriáu que s´alongue la linha
Faudriá mai de temps
Faudriá mens de gents
Que s´arrèste jamai la machina

Va l´imaginacion
Per d´autreis estacions
Ela e ieu partits per un grand viatge
Dedins lo trin de nuech
Mofle come un brecet
Mila careças dins lei bagatges

{au Refrain}

Monta tœi lei matins
La madòna dau trin
Dins lo vagon, cadun vira la tèsta
Tot s´arrèsta subran
Oblidats lei romans
Lei jornaus, lei quaiers e lo resta

D´amor vòli cantar
Perqu´amor m´a donat
Tot lo mau, tot lo bòn de la vida
Lo plesir, lo tristum
La jòia e l´amarum
Lo trobar per lei dònas polidas

Vau cantar per ela
De son balanç çai siáu a l´espèra
Vau cantar per ela