[Refrain] :
Dors min p´tit Quiquin, min p´tit pouchin, min gros rogin
Te m´feras du chagrin, si te´n´dors point ch´qu´à d´main

Ainsi l´aute jour eune pauf´ dintelière, in amiclotant sin p´tit garchon,
Qui d´pis tros quarts d´heures n´faijot que d´braire, tâchot d´l´indormir par eune canchon,
Elle li dijot "min narcisse, d´main t´aras du pain d´épice,
Du chuques à gogo, si qu´t´es sache et qu´te fais dodo."

[Refrain]

Nous irons dins l´cour, Jeannette-à-Vaques, vir les marionnettes comme te riras
Quind t´indindras dire un doupe pou Jacques, par l´porichinelle qui parle maga
Té li mettras dins s´menottes, au lieu d´doupes un rond d´carrottes
Il t´dira merci, parce comme nous arot du plaisi!

[Refrain]

Alors serre tes yux, dors min bonhomme, j´vas dire eun´prière à p´tit Jésus,
Pou qu´i vienne ichi, pindint tin somme, t´faire rêver qu´j´ai les mains pleines d´écus,
Pou qu´i t´apporte eune coquile, avec du chirop qui quile
Tout l´long d´tin minton, t´eut´pourléqueras tros heures du long.

[Refrain]