Una fes de mai desamarra!
Lèva lo fèrri dau bastiment
Bòrd qu´avèm lo blu sus l´esquina
La vela cercarà lo vent

L´aubre, coma una catedrala
Monta drech dins lo firmament
Agacha lo pònt e lei calas
Veire s´aquò tendrà longtemps

Vaicí lo large, interminable
Sensa darrier, sensa davant
Que fa parèu ambé lo coratge
Que fa parèu ambé lo sang

Lo large t´embarca e t´emmasca
E ti fa perdre la rason
Oblidar que la mai polida
T´espèra, ailà, dins la maison

De matin, se la mar es bòna
E qu´alèna dau bòn costat
Vaicí la còsta, vaicí lei còlas
E lo lume de la ciutat